கோடநாடு கொலை, கொள்ளை வழக்கு விசாரணையை வரும் ஜூன் 21-ம் தேதிக்கு ஒத்திவைத்து உதகை நீதிமன்றம் உத்தரவிட்டது.
கோடநாடு கொலை, கொள்ளை வழக்கின் விசாரணை உதகை மாவட்ட அமர்வு நீதிமன்றத்தில், நீதிபதி அப்துல் காதர் முன்னிலையில் விசாரணைக்கு வந்தது. குற்றம் சாட்டப்பட்டவர் தரப்பில் வாளையார் மனோஜ் ஆஜராகியிருந்தார்.
கோடநாடு பங்களாவுக்குச் சென்று ஆய்வு செய்த நிபுணர் குழுவின் அறிக்கை நகலை தங்களுக்கு வழங்க வேண்டுமென குற்றம் சாட்டப்பட்டவர் தரப்பில் கோரிக்கை விடுக்கப்பட்டது.
இதற்கு அரசு தரப்பில் கால அவகாசம் கோரப்பட்டதை அடுத்து, வழக்கின் விசாரணையை வரும் ஜூன் 21-ம் தேதிக்கு நீதிமன்றம் ஒத்தி வைத்தது.
