தென்காசி மாவட்டம், ஆலங்குளம் அருகே வனத்துறை அதிகாரி என கூறி காதல் ஜோடியை மிரட்டி பணம் பறித்த ஒருவர் கைது செய்யப்பட்டார்.
ஆலங்குளம் அருகே உள்ள மலை ராமர் கோயிலில் காதல் ஜோடி சுற்றித் திரிந்துள்ளனர். இதனை நோட்டமிட்ட இருவர், தங்களை வனத்துறை அதிகாரி எனக்கூறி காதல் ஜோடியை செல்போனில் புகைப்படம் எடுத்துள்ளனர்.
மேலும் அவர்களிடம் இருந்து 3 ஆயிரத்து 500 ரூபாய் பணத்தை பறித்துள்ளனர். இதுகுறித்த புகாரின் பேரில் வழக்குப்பதிந்த போலீசார், ஆலடிப்பட்டியைச் சேர்ந்த தங்கசாமி என்பவரை கைது செய்தனர். மேலும் தப்பியோடிய கீழப்பாவூரை சேர்ந்த ஜெகநாதனை தேடி வருகின்றனர்.
