சிவகங்கையில் இரு சக்கர வாகனம் திருடிய நபரை போலீசார் கைது செய்தனர்.
சிவகங்கையில், கட்டிட இன்ஜினியர் மாயவேல் என்பவர், தனது இரு சக்கர வாகனத்தில், துணிக்கடைக்கு சென்றார்.
திரும்பி வந்து பார்த்தபோது, இருசக்கர வாகனம் காணாமல் போனது கண்டு அதிர்ச்சி அடைந்தார். இது தொடர்பாக சிவகங்கை நகர் காவல் நிலையத்தில் புகார் அளித்தார்.
அதன்பேரில், வழக்குப் பதிவு செய்த போலீசார், துணிக்கடையில் பதிவான சிசிடிவி கேமரா காட்சிகளை ஆய்வு செய்தனர்.
இதில், இருசக்கர வானத்தை திருடியது ராமநாதபுரம் மாவட்டம் பார்த்திபனூர் பகுதியைச் சேர்ந்த காளீஸ்வரன் என தெரியவந்ததை அடுத்து, அவரை கைது செய்தனர்.
