சங்கராபுரம் அருகே ஏரியில் கொத்து கொத்தாக மீன்கள் இறந்து துர்நாற்றம் வீசுவதால் பொதுமக்கள் அவதிக்குள்ளாகி வருகின்றனர்.
கள்ளக்குறிச்சி மாவட்டம் சவேரியார் பாளையம் ஏரியை தனி நபர் ஒருவர் குத்தகைக்கு எடுத்துள்ளார்.
கடந்த சில நாட்களாக மீன்கள் கொத்து கொத்தாக செத்து கரை ஒதுங்குவதால் அந்த பகுதியில் துற்நாற்றம் வீசி வருகிறது.
இதனால் சுகாதார சீர்கேடு ஏற்பட்டு பொதுமக்களுக்கு தொற்றுநோய் பரவும் அபாயம் ஏற்பட்டுள்ளது.
மேலும் ஆலை கழிவுகளில் வெளியேற்றப்படும் இரசாயனம் ஏரியில் கலக்கப்படுவதே மீன்கள் இறப்பதற்கு காரணம் எனவும், அதிகாரிகள் ஆய்வு செய்து உடனடியாக நடவடிக்கை எடுக்க வேண்டும் எனவும் பொதுமக்கள் கோரிக்கை விடுத்துள்ளனர்.
