விருதுநகரில் அரசு மருத்துவமனைக்குள் புகுந்து தந்தை, மகனை அரிவாளால் வெட்டிய சம்பவம் பெரும் அதிர்ச்சியை ஏற்படுத்தியுள்ளது.
திருச்சுழி அருகே மயிலி கிராமத்தை சேர்ந்த கருப்பய்யாவுக்கும், அவரது உறவினரான பாலமுருகன் என்பவருக்கும் வெகு நாட்களாக முன்விரோதம் இருந்து வந்துள்ளது.
இந்நிலையில் இது தொடர்பாக கருப்பய்யாவின் தந்தை கணேசனை, பாலமுருகன் தாக்கியுள்ளார்.
இதில் காயமடைந்த அவர் திருச்சுழி அரசு மருத்துவமனையில் சிகிச்சை பெற்றுவந்தார். இதனையடுத்து மருத்துவமனைக்கு வந்த பாலமுருகனுக்கும், கருப்பய்யாவுக்கும் இடையே மீண்டும் தகராறு ஏற்பட்டுள்ளது.
இதில் ஆத்திரமடைந்த பாலமுருகன் தான் மறைத்து வைத்திருந்த அரிவாளால் தந்தை, மகன் இருவரையும் சரமாரியாக வெட்டிவிட்டு தப்பியோடினார். இந்த தாக்குதலில் கருப்பய்யா சம்பவ இடத்தில் உயிரிழந்த நிலையில் படுகாயமடைந்த கணேசன் மருத்துவமனையில் சிகிச்சை பெற்று வருகிறார்.
