இங்கிலாந்தில் இருந்து 100 டன் தங்கத்தை இந்தியாவுக்கு ரிசர்வ் வங்கி கொண்டு வந்துள்ளது.
சமீப ஆண்டுகளாக இந்திய ரிசர்வ் வங்கி அதிக அளவில் தங்கத்தை குவித்து வருகிறது. மார்ச் மாத இறுதியில், ரிசர்வ் வங்கியிடம் 822.1 டன் தங்கம் இருந்தது. அதில் 413.8 டன் தங்கம் வெளிநாடுகளில் உள்ளன.
நடப்பு ஆண்டு ஜனவரி முதல் ஏப்ரல் வரையிலான காலகட்டத்தில் 27 டன் தங்கத்தை ரிசர்வ் வங்கி வாங்கியுள்ளது. இந்த நிலையில் பாங்க் ஆப் இங்கிலாந்து வங்கியில் இருந்து 100 டன் தங்கத்தை ரிசர்வ் வங்கி இந்தியாவுக்கு கொண்டு வந்துள்ளது.
சிறப்பு விமானம் மூலம் கொண்டு வரப்பட்ட தங்கம், மும்பையின் மின்ட் சாலை மற்றும் நாக்பூரில் உள்ள ரிசர்வ் வங்கியின் பழைய அலுவலக கட்டிடத்தில் பாதுகாப்பாக வைக்கப்பட்டுள்ளது.
இந்த தங்கத்தை கொண்டு பல மாதங்கள் திட்டமிடல் மற்றும் துல்லியமான செயலாக்கம் தேவைப்பட்டது. நிதி அமைச்சகம், ரிசர்வ் வங்கி, உள்ளூர் அதிகாரிகள் உள்பட அரசாங்கத்தின் பல பிரிவுகள் ஒருங்கிணைந்து செயல்பட்டது குறிப்பிடத்தக்கது.
உலக அளவில் அதிக தங்கம் கையிருப்பு கொண்டுள்ள முதல் 10 நாடுகளில் இந்தியாவும் ஒன்று என்பது குறிப்பிடத்தக்கது.
