மக்களவைத் தேர்தலில் 7-வது மற்றும் நிறைவுக் கட்ட வாக்குப்பதிவு விறுவிறுப்பாக நடைபெற்று வரும் நிலையில், முற்பகல் 11 மணி நிலவரப்படி, 26.30 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.
கடந்த மாதம் 19-ஆம் தேதி தொடங்கிய தேர்தல், இதுவரை 6 கட்டங்கள் நிறைவடைந்துள்ளன. இதில் 486 மக்களவைத் தொகுதிகளுக்கு வாக்குப்பதிவு நடைபெற்றுள்ளது.
தற்போது, 7-வது கட்டவாக்குப்பதிவு நடைபெறுகிறது. இதில், பீகார், இமாச்சலப் பிரதேசம், ஜார்க்கண்ட், ஒடிசா, பஞ்சாப், உத்தரப் பிரதேசம், மேற்கு வங்கம் மற்றும் சண்டிகர் ஆகிய 8 மாநிலங்கள் மற்றும் யூனியன் பிரதேசங்களில் உள்ள 57 தொகுதிகளில் நடைபெற்று வருகிறது. ஒடிசா மாநில சட்டப் பேரவையில் மீதமுள்ள 42 சட்டமன்றத் தொகுதிகளுக்கும் இன்று வாக்குப்பதிவு நடைபெறுகிறது.
இன்றைய தேர்தலில், மொத்தம் 10 கோடியே 6 லட்சம் பேர் வாக்களிக்க உள்ளனர். இதற்காக, ஒரு லட்சத்து 9 ஆயிரம் வாக்குச்சாவடிகள் அமைக்கப்பட்டுள்ளன. 11 லட்சம் அலுவலர்கள் தேர்தல் பணியில் ஈடுபடுகின்றனர்.
காலை 11 மணி நிலவரப்படி, அதிகபட்சமாக ஹிமாச்சல் பிரதேசத்தில் 31 பள்ளி 92 சதவீதமும், குறைந்தபட்சமாக ஒடிசாவில் 22 புள்ளி 64 சதவீதமும், ஆக மொத்தம் 26 புள்ளி 30 சதவீதம் வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.
மக்களவைத் தேர்தலில் ஏழுகட்டங்களிலும் பதிவான வாக்குகள் வரும் 4-ம் தேதி நடைபெறுகிறது.
