நாடு முழுவதும் ஜூன் 3-ஆம் தேதி நள்ளிரவு முதல் சுங்கச் சாவடி கட்டணம் உயர்த்தப்படுகிறது.
நாடு முழுவதும் சுங்கச்சாவடி கட்டணம் உயர்த்தப்படுவதாக கடந்த ஏப்ரல் 1-ஆம் தேதி அறிவிக்கப்பட்டிருந்தது. பின்னர், கடைசி நேரத்தில் அந்த அறிவிப்பு திரும்பப் பெறப்பட்டது.
இந்த நிலையில், ஜூன் 3 முதல் சுங்கச் சாவடி கட்டணம் உயர்த்தப்படுவதாக மத்திய சாலைப் போக்குவரத்து அமைச்சகம் அறிவித்துள்ளது.
அதன்படி ஒரு முறை பயணம் செய்வதற்கான கட்டணம் மற்றும் ஒரே நாளில் திரும்பி வருவதற்கான கட்டணம் 5 ரூபாய் முதல் 20 ரூபாய் வரை உயர்த்தப்படுகிறது.
மாதாந்திர சுங்கச்சாவடி கட்டணம் 100 ரூபாய் முதல் 400 ரூபாய் வரை உயருகிறது. தமிழகத்தில் தேசிய நெடுஞ்சாலைகளில் மொத்தம் 55 சுங்கச்சாவடிகள் உள்ளன.
முதல்கட்டமாக அரியலூர் மணகெதி, திருச்சி கல்லக்குடி, வேலூர் வல்லம், திருவண்ணாமலை இனம் கரியாந்தல், விழுப்புரம் தென்னமாதேவி ஆகிய ஐந்து சுங்கச் சாவடிகளில் இந்தக் கட்டண உயர்வு அமலுக்கு வருகிறது. (out)
