ஆன்மிக யாத்திரை செல்ல விரும்பும் பயணிகளுக்காக மதுரையில் இருந்து பாரத் கௌரவ் சுற்றுலா ரயில் இயக்கப்பட உள்ளதாக ரயில்வே நிர்வாகம் அறிவித்துள்ளது.
இதுதொடர்பாக திருச்சி ஐஆர்சிடிசி-யின் தென் மண்டல குழு பொது மேலாளர் ராஜலிங்கம் வாசு செய்தியாளர்களை சந்தித்தார். அப்போது பேசிய அவர், கேதார்நாத், பத்ரிநாத், கோவில் யாத்திரை என்ற பெயரில் சுற்றுலா ரயில் பயணத்தை தொடங்க உள்ளதாக தெரிவித்தார்.
வரும் 20ம் தேதி தொடங்கும் இந்த ரயில் பயணத்தில் 300 பயணிகள் பயணிக்கலாம் எனவும் அவர் கூறினார். மேலும், இந்தியன் ரயில்வேயின் இந்த சுற்றுலா சேவையை மக்கள் பயன்படுத்திக் கொள்ள வேண்டுமெனவும் அவர் கேட்டுக்கொண்டார்.
