மகாராஷ்டிர மாநிலம் பீட் நகரில் ஏடிஎம் இயந்திரத்தை மர்ம நபர்கள் கயிறு கட்டி இழுத்துச் சென்று கொள்ளையடிக்க முயன்றனர்.
பீட் மாவட்டம் தரூர் அருகே நள்ளிரவில் பாரத ஸ்டேட் வங்கிக்குச் சொந்தமான ஏடிஎம் இயந்திரத்தை மர்ம நபர்கள் கயிறு கட்டி, காருடன் அதை இணைத்து இழுத்துச் சென்றனர்.
அப்போது அலாரம் அடித்ததால் ஸ்டேட் வங்கி ஊழியர்கள் போலீசாருக்கு தகவல் அளித்தனர். இதையடுத்து போலீசார் வாகனத்தில் சுமார் 61 கிலோ மீட்டர் பின்தொடர்ந்து சென்று, காரை மடக்கிப் பிடித்து ஏடிஎம் இயந்திரத்தை மீட்டு, அதிலிருந்த 21 லட்ச ரூபாயைக் கைப்பற்றினர்.
இதனிடையே, ஏடிஎம் இயந்திரத்தில் கொள்ளையடிக்க முயன்ற 4 பேரும் அங்கிருந்து தப்பிவிட்டனர். அவர்களை போலீசார் தேடிவருகின்றனர்.
