ஜெம் வீரமணி வழக்கை அரசியலாக்க வேண்டாம் என்ற அறிவுறுத்தலை தவெக-வினர் பின்பற்றவில்லை என சென்னை உயர்நீதிமன்றத்தில் திமுக சார்பில் குற்றம்சாட்டப்பட்டுள்ளது.
ஜெம் வீரமணிக்கு எதிரான வழக்கில் முந்தைய திமுக அரசை குற்றம் சாட்டி தமிழக அமைச்சர்கள், தவெகவினர் தெரிவித்த கருத்துக்கு எதிராக சென்னை உயர்நீதிமன்றத்தில் திமுக சார்பில் தொடர்ந்த வழக்கு மீண்டும் விசாரணைக்கு வந்தது.
ஜெம் வீரமணி விவகாரத்தை அரசியலாக்க வேண்டாம் என்ற நீதிமன்றத்தின் அறிவுறுத்தலை திமுக-வினர் பின்பற்றி வருவதாகவும்,
ஆனால் தவெக-வினர் இந்த விவகாரம் குறித்து தொடர்ச்சியாக பேசி வருவதாகவும் நீதிமன்றத்தில் தெரிவிக்கப்பட்டது.
நீதிமன்றத்திற்கு தவெக-வினர் மரியாதை அளிக்க வேண்டுமெனவும் திமுக சார்பில் கூறப்பட்டது.
இதனையடுத்து அரசு தலைமை வழக்கறிஞர் இதனை கருத்தில் கொள்ள வேண்டுமென நீதிபதி தெரிவித்தார். மேலும் வழக்கில் பதில் மனு தாக்கல் செய்ய விசாரணையை செப்டம்பர் 30-ம் தேதிக்கு தள்ளிவைத்தார்.
