தமிழகத்தில் நள்ளிரவு முதல் நாளை நள்ளிரவு வரை அறிவிக்கப்பட்டிருந்த தனியார் பேருந்து உரிமையாளர்களின் வேலைநிறுத்தம் வாபஸ் பெறப்பட்டுள்ளது.
அக்டோபர் 2-ம் தேதி முதல் அரசு பேருந்துகளில் பெண்களுக்கான இலவச பயணத் திட்டம் விரிவுபடுத்தப்பட உள்ள நிலையில், தங்களது வருவாய் பாதிக்கப்படும் என தனியார் பேருந்து உரிமையாளர்கள் தெரிவித்திருந்தனர்.
மேலும், தனியார் பேருந்துகளிலும் பெண்கள், திருநங்கைகள் மற்றும் மாற்றுத்திறனாளிகளுக்கு இலவச பயணத்தை அனுமதிப்பதுடன், அதற்கான மானியத்தை அரசு வழங்க வேண்டும் என்பன உள்ளிட்ட கோரிக்கைகளை வலியுறுத்தி நாளை ஒரு நாள் வேலைநிறுத்தம் நடத்துவதாக அறிவித்திருந்தனர். இந்நிலையில், வருவாய்த்துறை மற்றும் போக்குவரத்துத்துறை அமைச்சர்கள் தனியார் பேருந்து உரிமையாளர்களை தொடர்புகொண்டு, முக்கிய கோரிக்கைகளை பரிசீலிப்பதாக உறுதியளித்துள்ளனர். இதையடுத்து, வேலைநிறுத்தத்தை ஒத்திவைப்பதாக தனியார் பேருந்து உரிமையாளர்கள் அறிவித்துள்ளனர். இதனால், நாளை தனியார் பேருந்துகள் வழக்கம்போல் இயங்கும் என தெரிவிக்கப்பட்டுள்ளது.
