ஆஸ்கர் விருது குழுவில் சேர இயக்குநர் ராஜமௌலி , ஒளிப்பதிவாளர் ரவிவர்மன் உள்ளிட்டோருக்கு அழைப்பு விடுக்கப்பட்டுள்ளது.
தொழில்ரீதியாக அர்ப்பணிப்பு, தகுதி உடைய பிரபலங்கள் உள்ளிட்டோருக்கு ஆஸ்கர் விருது குழுவில் உறுப்பினர்களாக சேர அழைப்பு விடுக்கப்படுவது வழக்கம். அந்த வகையில், இந்த ஆண்டு 57 நாடுகளில் உள்ள 487 பிரபலங்களுக்கு புதிய உறுப்பினராக இணைவதற்கு ஆஸ்கர் விருது குழு அழைப்பு விடுத்துள்ளது.
இதில் இயக்குநர் ராஜமௌலி மற்றும் அவரது மனைவியும் ஆடை வடிவமைப்பாளருமான ரமா ராஜமெளலி, ஒளிப்பதிவாளர் ரவி வர்மன், ‘ஆர்ஆர்ஆர்’ படத்தின் ‘நாட்டு நாட்டு’ பாடல் நடன இயக்குநர் பிரேம் ரக்ஷித் உள்ளிட்டோருக்கு உறுப்பினராக இணைவதற்கான அழைப்பு விடுக்கப்பட்டுள்ளது.
