செங்கோல் குறித்த சமாஜ்வாதி எம்.பி.யின் கருத்துக்கு அண்ணாமலை கண்டனம்!

செங்கோல் குறித்து சமாஜ்வாதி கட்சியின் முக்கியத் தலைவர்கள் தெரிவித்துள்ள கருத்துக்கு, தமிழக பாஜக மாநில தலைவர் அண்ணாமலை கண்டனம் தெரிவித்துள்ளார்.

இதுகுறித்த அவரது எக்ஸ் தளப் பதிவில், இந்திய நாட்டின் வரலாறு மற்றும் கலாச்சாரத்தை சமாஜ்வாதி கட்சி எப்போதுமே மதித்ததில்லை எனப் பதிவிட்டுள்ளார்.

செங்கோல் பற்றிய சமாஜ்வாதி கட்சியினரின் முக்கிய தலைவர்கள் தெரிவித்துள்ள கருத்துகள் கண்டனத்துக்குரியது மட்டுமின்றி, அவர்களின் அறியாமையையும் காட்டுகிறது என பதிவிட்டுள்ளார்.

குறிப்பாக தமிழ் கலாச்சாரத்துக்கு எதிரான INDI கூட்டணிக் கட்சிகளின் அறியாமையை காட்டுகிறது எனவும் விமர்சித்துள்ளார். செங்கோல் இந்தியாவின் பெருமையான அடையாளங்களுள் ஒன்று எனக் கூறியுள்ள தமிழக பாஜக தலைவர் அண்ணாமலை,

நாடாளுமன்றத்தில் செங்கோலுக்கு உயரிய மரியாதையை அளித்து பிரதமர் மோடி இந்தியர்கள் அனைவருக்குமே பெருமை சேர்த்துள்ளார் எனவும் அண்ணாமலை குறிப்பிட்டுள்ளார்.