நீட் தேர்வில் முறைகேடு செய்து இளைஞர்களின் எதிர்காலத்துடன் விளையாடும் நபர்கள் மீது கடும் நடவடிக்கை எடுக்கப்படும் என பிரதமர் மோடி உறுதியளித்தார்.
மாநிலங்களவையில் குடியரசுத் தலைவரின் உரைக்கு நன்றி தெரிவிக்கும் தீர்மானத்தின் மீது பேசிய பிரதமர், நீட் தேர்வு வினாத்தாள் கசிவை முக்கிய பிரச்சினையாக குடியரசுத் தலைவர் தனது உரையில் குறிப்பிட்டதை நினைவுகூர்ந்தார்.
இந்த விவகாரத்தில் அனைத்து கட்சிகளும் அரசியலுக்கு அப்பாற்பட்டு செயல்பட வேண்டும் என்றும், போட்டித் தேர்வு முறைகேட்டைத் தடுக்க நாடாளுமன்றத்தில் கடும் சட்டம் இயற்றப்பட்டு இருப்பதாகவும் பிரதமர் மோடி தெரிவித்துள்ளார்.
மாணவர்களின் பயத்தைப் போக்கும் வகையில் ஒட்டுமொத்த கல்வி முறையையும் வலுப்படுத்தி வருவதாக கூறிய பிரதமர் மோடி, அப்போதுதான் மாணவர்கள் தங்களது திறனை நம்பிக்கையுடன் வெளிப்படுத்தி, உரிமைகளை நிலைநாட்ட முடியும் என்றும் தெரிவித்தார்.
