ஹத்ராஸில், நெரிசலில் சிக்கி 121 பேர் உயிரிழந்த சம்பவத்தில், நிகழ்ச்சிக்கு ஏற்பாடு செய்த சாமியாரின் உதவியாளரை போலீஸார் கைது செய்துள்ளனர்.
உத்தரபிரதேச மாநிலம் ஹத்ராஸில் நடைபெற்ற மத நிகழ்ச்சியில் திடீரென ஏற்பட்ட நெரிசலில் சிக்கி, 121 பேர் உயிரிழந்தது நாடு முழுவதும் அதிர்வலையை ஏற்படுத்தியது.
இந்த நிகழ்வுக்கு காரணமான போலே பாபா சாமியாரின் உதவியாளர் தேவ் பிரகாஷ் மதுக்கர் மீது போலீஸார் வழக்குப் பதிவு செய்திருந்தனர்.
இந்த நிலையில், டெல்லியில் பதுங்கியிருந்த அவரை போலீஸார் சுற்றிவளைத்து கைது செய்து ஹத்ராஸ் அழைத்து வந்து நீதிமன்றத்தில் ஆஜர்படுத்தினர்.
