ரஷ்ய தலைநகர் மாஸ்கோவில் தன்னை வரவேற்ற கலைஞர்களை பிரதமர் மோடி நேரில் சந்தித்து பாராட்டு தெரிவித்தார்.
2 நாள் பயணமாக மாஸ்கோ சென்ற பிரதமர் மோடியை வழிநெடுகிலும் இந்திய வம்சாவளியினரும், ரஷ்ய மக்களும் கூடி, மேளதாளம் முழங்க நடனமாடியும், பாடல் பாடியும் உற்சாக வரவேற்பு அளித்தனர்.
மேலும், ரஷ்ய பெண்கள் ஹிந்தி பாடலுக்கு ஏற்றவாறு நடனமாடியது காண்போரை வியப்பில் ஆழ்த்தியது.
இந்த நிலையில், தன்னை வரவேற்ற கலைஞர்களை நேரில் வரவழைத்து பிரதமர் மோடி பாராட்டு தெரிவித்தார். அப்போது பிரதமர் மோடியுடன் குழு புகைப்படம் எடுத்து இசைக் கலைஞர்கள் மகிழ்ந்தனர்.
