ஜம்மு- காஷ்மீர் துணைநிலை ஆளுநருக்கு கூடுதல் அதிகாரம் அளிக்க வழிவகை செய்யும் சட்டத் திருத்தத்துக்கு குடியரசுத் தலைவர் திரெளபதி முர்மு ஒப்புதல் அளித்துள்ளார்.
துணைநிலை ஆளுநருக்கு கூடுதல் அதிகாரம் அளிக்கும் ஜம்மு- காஷ்மீர் மறுசீரமைப்பு சட்டம் 2019-இல் சில திருத்தங்களை மத்திய உள்துறை அமைச்சகம் முன்மொழிந்தது. இதற்கு குடியரசுத் தலைவர் திரெளபதி முர்மு ஒப்புதல் அளித்துள்ளார்.
இதைத்தொடர்ந்து ஜம்மு- காஷ்மீர் மறுசீரமைப்பு சட்டம் 2019, பிரிவு 55-இன்கீழ், திருத்தியமைக்கப்பட்ட விதிமுறைகளை மத்திய உள்துறை அமைச்சகம் அரசிதழில் வெளியிட்டுள்ளது.
அதேசமயம், அலுவல் பணிகளில் மட்டும்தான் திருத்தம் மேற்கொள்ளப்பட்டிருப்பதாகவும், வேறு ஏதும் மாற்றப்படவில்லை என்றும் தகவலறிந்த வட்டாரங்கள் தெரிவித்துள்ளன.
ஜம்மு- காஷ்மீர் சட்டப் பேரவைக்கு விரைவில் தேர்தல் நடைபெறவுள்ள நிலையில், துணைநிலை ஆளுநருக்கு கூடுதல் அதிகாரம் அளிக்கும் சட்டத் திருத்தத்துக்கு குடியரசுத் தலைவர் ஒப்புதல் அளித்திருப்பது முக்கியத்துவம் பெற்றுள்ளது.
