உத்தரப்பிரதேசத்தில் சண்டிகர் – திப்ருகர் விரைவு ரயிலின் பெட்டிகள் தடம்புரண்டதில் 4 பேர் உயிரிழந்தனர். 25க்கும் மேற்பட்டோர் படுகாயமடைந்தனர்.
உத்தரப்பிரதேசத்தின் கோண்டா மாவட்டத்தில், திப்ருகர் நோக்கிச் சென்று கொண்டிருந்த விரைவு ரயிலின் சில பெட்டிகள் மோடிகஞ்ச் – ஜிலாஹி ரயில் நிலையங்களுக்கு இடையே தடம்புரண்டன.
இந்த விபத்தில் 4 பேர் உயிரிழந்த நிலையில் 25க்கும் மேற்பட்டோர் படுகாயமடைந்துள்ளதாக தகவல்கள் வெளியாகி உள்ளது.
ரயில் விபத்து தொடர்பான தகவல்களை பொதுமக்கள் அறிந்து கொள்ள ரயில்வே நிர்வாகம் உதவி எண்களை அறிவித்துள்ளது.
இந்நிலையில், விபத்தில் காயமடைந்தவர்களுக்கு உரிய சிகிச்சை அளிக்க உத்தரபிரதேச முதல்வர் யோகி ஆதித்யநாத் மாவட்ட அதிகாரிகளுக்கு உத்தரவிட்டுள்ளார். மேலும், சம்பவ இடத்தில் நிவாரணப் பணிகளை விரைவுப்படுத்துமாறும் மாவட்ட நிர்வாக அதிகாரிகளுக்கும் அவர் அறிவுறுத்தியுள்ளார்.
