காங்கிரஸ் ஆட்சி காலத்தில் 98 சதவீதம் வரி விதிக்கப்பட்டதாக மத்திய நிதியமைச்சர் நிர்மலா சீதாராமன் மக்களவையில் தெரிவித்தார்.
நாடாளுமன்ற கூட்டத் தொடரில் பட்ஜெட் விவாதத்திற்கு பதில் கூறிய நிதியமைச்சர் நிர்மலா சீதாராமன், நடுத்தர குடும்பத்தினருக்கு இந்த பட்ஜெட்டில் எந்தவித அறிவிப்பும் இல்லை என்று எதிர்கட்சியினர் கூறுவது முற்றிலும் தவறானது என்று பதிலடி கொடுத்தார்.
கடந்த ஆண்டு வரி குறைக்கப்பட்டதன் மூலம் 37, 500 ரூபாய் மிச்சப்படுத்தப்பட்டுள்ளதாகவும் அவர் தெரிவித்தார். நடுத்தர குடும்பத்தினர் பயன்பெறும் வகையில் நடப்பாண்டு பட்ஜெட்டில் நிலையான கழிவு 50 ஆயிரத்தில் இருந்து 75 ஆயிரம் ரூபாயாக உயர்த்தப்பட்டுள்ளதாகவும் நிதியமைச்சர் நிர்மலா சீதாராமன் கூறினார்.
