குடியிருப்பு வளாகத்தில் நுழைந்து நாயை தூக்கி செல்லும் சிறுத்தை!

நீலகிரி மாவட்டம், உதகை அருகே குடியிருப்பு வளாகத்தில் நுழைந்து வளர்ப்பு நாயை வேட்டையாடி சிறுத்தை தூக்கி செல்லும் வீடியோ காட்சிகள் வெளியாகியுள்ளன.

உதகை அருகே உள்ள கல்லக்கொரை கிராமத்தில் உலா வந்த சிறுத்தை வீட்டில் வளர்க்கப்படும் வளர்ப்பு நாயை வேட்டையாடி சென்றுள்ளது.

அந்தக் காட்சிகள் குடியிருப்பில் பொருத்தப்பட்டிருந்த சிசிடிவி கேமராவில் பதிவான நிலையில், பொதுமக்கள் அச்சத்தில் உறைந்துள்ளனர்.

குடியிருப்பு பகுதிகளில் உலா வரும் சிறுத்தையின் நடமாட்டத்தை கண்காணித்து அடர்ந்த வனப்பகுதிக்குள் விரட்ட வனத்துறையினர் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.