ராஜஸ்தான் மாநிலம் அஜ்மீரில் சுமார் நூறு பள்ளி மாணவிகளை கூட்டு பாலியல் வன்கொடுமைக்குள்ளாக்கிய 6 பேருக்கு ஆயுள் தண்டனை விதிக்கப்பட்டுள்ளது.
அஜ்மீரில் கடந்த 1992-ஆம் ஆண்டில் பள்ளி மாணவிகளை ஒரு கும்பல் மிரட்டி பாலியல் வன்கொடுமை செய்தது பெரும் அதிர்ச்சியை ஏற்படுத்தியது. இந்த வழக்கில் ஏற்கெனவே 9 பேர் கைதாகி, சிறையில் ஆயுள் தண்டனை அனுபவித்து வருகின்றனர்.
இந்நிலையில், கைதான நபீஸ் சிஷ்டி, நசீம், சலீம் சிஷ்டி உள்ளிட்ட 6 பேர் மீதான வழக்கு விசாரணை அஜ்மீர் போக்ஸோ நீதிமன்றத்தில் நடைபெற்று வந்த நிலையில், ஏறத்தாழ 30 ஆண்டுகள் கழித்து தீர்ப்பு அளிக்கப்பட்டது.
அந்த வகையில், பள்ளி மாணவிகளை மிரட்டி பாலியல் வன்கொடுமை செய்த 6 பேருக்கும் ஆயுள் தண்டனை விதித்து நீதிமன்றம் தீர்ப்பளித்தது.
