கோவையில் பாஜக நிர்வாகியை மர்மநபர்கள் அரிவாளால் வெட்டியதில் படுகாயமடைந்தார்.
வடவள்ளி சீரநாயக்கன் பாளையத்தை சேர்ந்த சதீஷ்குமார் ஆர்.எஸ்.புரம் பகுதி பாஜக இளைஞர் அணி செயலாளராக உள்ளார்.
இந்நிலையில் இவரது அலுவலகத்துக்குள் புகுந்த 4 பேர் கொண்ட மர்ம கும்பல் சதீஷ்குமாரை பயங்கர ஆயுதங்களால் வெட்டியுள்ளனர்.
இதில் படுகாயமடைந்த சதீஷ்குமார் சிகிச்சைக்காக தனியார் மருத்துவமனை தீவிர சிகிச்சைப் பிரிவில் அனுமதிக்கப்பட்டுள்ளார். இச்சம்பவம் தொடர்பாக ஆர்.எஸ்.புரம் போலீஸார் வழக்குப் பதிவு செய்து விசாரணை மேற்கொண்டு வருகின்றனர்.
