புரூனே சென்றுள்ள பிரதமர் நரேந்திரமோடி அந்நாட்டின் சுல்தான் ஹசனல் போல்கியாவைச் சந்தித்து, இருதரப்பு உறவை மேலும் வலுப்படுத்துவது குறித்து பேச்சுவார்த்தை நடத்தினார்.
பிரதமர் மோடி அரசுமுறைப் பயணமாக தென்கிழக்கு ஆசிய நாடான புரூனேக்கு நேற்று சென்றார். தலைநகர் பண்டார் செரி பெகவானில், அவரைப் பட்டத்து இளவரசரும், மூத்த அமைச்சருமான ஹாஜி அல் – முஹ்தாதி பில்லா வரவேற்றார். புரூனேவில் உள்ள இந்தியத் தூதரகத்தில் கட்டப்பட்டுள்ள புதிய வளாகத்தை பிரதமர் மோடி நேற்று திறந்து வைத்தார்.
இந்த நிகழ்ச்சியில் பங்கேற்ற இந்தியர்கள், பிரதமர் மோடியை உற்சாகத்துடன் வரவேற்றனர். அதைத்தொடர்ந்து இன்று புரூனே சுல்தான் ஹசனல் போல்கியாவை பிரதமர் மோடி சந்தித்துப் பேசினார். அப்போது இருநாடுகளுக்கு இடையேயான உறவை மேலும் வலுப்படுத்துவது குறித்து இருவரும் ஆலோசனை நடத்தினர்
புரூனே சுல்தான் உடனான சந்திப்பு நிறைவடைந்ததும், பிரதமர் மோடி சிங்கப்பூருக்கு புறப்பட்டுச் சென்றார்.
