இந்தியாவில் சுற்றுப்பயணம் மேற்கொண்டுள்ள ஜமைக்கா பிரதமர் ஆன்ட்ரூ ஹோல்னசை பிரதமர் மோடி சந்தித்து பேசினார்.
நான்கு நாள் சுற்றுப்பயணமாக ஜமைக்கா பிரதமர் ஆன்ட்ரூ ஹோல்னஸ் டெல்லி வந்தார். அவரை மத்திய இணையமைச்சர் பங்கஜ் செளத்ரி வரவேற்றார்.
இதையடுத்து ஹைதராபாத் இல்லத்தில் ஜமைக்கா பிரதமர் ஆன்ட்ரூ ஹோல்னசை பிரதமர் மோடி சந்தித்து பேசினார். அப்போது இருதரப்பு உறவை வலுப்படுத்துவது தொடர்பாக தலைவர்கள் இருவரும் ஆலோசனை மேற்கொண்டதாக தகவல் வெளியானது. ஜமைக்கா பிரதமர் இந்தியா வருவது இதுவே முதல்முறை என்பது குறிப்பிடத்தக்கது.
பின்னர், மகாத்மா காந்தி நினைவிடத்தில் மலர் வளையம் வைத்து ஜமைக்கா பிரதமர் ஆன்ட்ரூ ஹோல்னஸ் மரியாதை செலுத்தினார். அவருடன் அந்நாட்டு பிரதிநிதிகள் வந்திருந்தனர்.
