தஞ்சாவூர் மாவட்டம் கும்பகோணத்தில் உள்ள ஒப்பிலியப்பன் கோயிலில் புரட்டாசி பிரம்மோற்சவம் கருட கொடியேற்றத்துடன் தொடங்கியது.
10 நாட்கள் நடைபெறும் பிரமோற்சவத்தை முன்னிட்டு உற்சவர் பொன்னப்பர் மற்றும் பூமி தேவி தாயார், சர்வ அலங்காரத்தில் கொடிமரம் அருகே எழுந்தருளினர்.
இதனைத்தொடர்ந்து பூர்வாங்க பூஜைகள் நடைபெற்றதுடன், 30 அடி உயரமுள்ள தங்க கொடிமரத்தில் கருட கொடியேற்றமும் வெகு விமரிசையாக நடந்தேறியது. இதில் திரளான பக்தர்கள் கலந்துகொண்டு சுவாமி தரிசனம் செய்தனர்.
