மலைமல்லேஸ்வர சுவாமி கோயில் திருவிழா – மண்டை உடைந்த 70 பேர் மருத்துவமனையில் அனுமதி!

ஆந்திராவின் கர்னூல் அருகே பன்னி திருவிழாவில் சண்டையிடும் சடங்கில், 70 பேர் மண்டை உடைந்து மருத்துவமனையில் அனுமதிக்கப்பட்டுள்ளனர்.

தசரா பண்டிகையையொட்டி தேவரக்கட்டு பகுதியில் உள்ள மலைமல்லேஸ்வர சுவாமி கோயிலில் ஆண்டுதோறும் நடைபெறும் பன்னி திருவிழாவின்போது, 5 கிராம மக்கள் ஒரு குழுவாகவும், மற்ற 3 கிராம மக்கள் மற்றொரு குழுவாகவும் சேர்ந்து சண்டையிடுவது வழக்கம்.

அதன்படி இந்தாண்டும் போலீசாரின் கட்டுப்பாட்டையும் மீறி, சண்டையிடும் சடங்கில் வன்முறை வெடித்தது. அப்போது இரு பிரிவினருக்கு இடையே நடந்த அதிகார மோதலில், காயமடைந்த 70 பேர் மருத்துவமனையில் சிகிச்சை பெற்று வருகின்றனர்.