மேற்குவங்கம்: இஎஸ்ஐ மருத்துவமனையில் அதிகாலையில் தீ விபத்து!

மேற்குவங்க மாநிலம் கொல்கத்தா இஎஸ்ஐ மருத்துவமனையில் தீ விபத்து நேரிட்டதால் நோயாளிகள் வேறு மருத்துவமனைக்கு மாற்றப்பட்டனர்.

கொல்கத்தாவின் ஷீல்டா நகரில் உள்ள இஎஸ்ஐ மருத்துவமனையில் அதிகாலையில் தீ விபத்து ஏற்பட்டது.

தகவல் அறிந்து 10 தீயணைப்பு வாகனங்களில் விரைந்த தீயணைப்பு வீரர்கள், 2 மணி நேர போராட்டத்திற்குப் பின், தீயை கட்டுக்குள் கொண்டு வந்தனர்.

தீ விபத்தில் நல்வாய்ப்பாக யாருக்கும் பாதிப்பு ஏற்படவில்லை என்று தகவல் வெளியாகி உள்ளது. எனினும், நோயாளிகளின் பாதுகாப்பு கருதி, அவர்கள் வேறு மருத்துவமனைக்கு மாற்றப்பட்டனர்.