தீபாவளி : இருவர் சுட்டுக்கொலை!

டெல்லியில் தீபாவளியின்போது முன்விரோதம் காரணமாக 16 வயது சிறுவன் உள்பட இருவர் சுட்டுக்கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.

தீபாவளியையொட்டி பிகாரி காலனியை சேர்ந்த ஆகாஷ் தமது மகன் கிருஷ் மற்றும் சகோதரரின் மகன் ரிஷப் ஆகியோருடன் வீட்டுக்கு வெளியே பட்டாசு வெடித்துக் கொண்டிருந்தனர்.

அப்போது, அங்கு இருசக்கர வாகனத்தில் வந்த அடையாளம் தெரியாத நபர் ஆகாஷ் மற்றும் 16 வயது இளைஞரான ரிஷப் மீது துப்பாக்கிச் சூடு நடத்தினர். இதில் இருவரும் சம்பவ இடத்தில் உயிரிழந்த நிலையில் உடலை கைபற்றிய போலீசார் விசாரணை மேற்கொண்டனர்.

அப்போது, ஆகாஷுக்கும் சில நபர்களுக்கும் இடையே பணம் கொடுக்கல் வாங்கலில் தகராறு இருந்து வந்ததாகவும், அதன் காரணமாக கொலை நடந்திருக்கலாம்
எனவும் போலீசார் தரப்பில் தெரிவிக்கப்பட்டுள்ளது.

இந்நிலையில் துப்பாக்கிச் சூடு தொடர்பான சிசிடிவி காட்சிகள் வெளியாகி அதிர்ச்சியை
ஏற்படுத்தியுள்ளது.