தொடர் விடுமுறையையொட்டி திருநள்ளாறு சனீஸ்வர பகவான் கோயிலில் குவிந்த பக்தர்கள் நீண்ட வரிசையில் காத்திருந்து சாமி தரிசனம் செய்தனர்.
காரைக்கால் அடுத்த திருநள்ளாறில் தர்பாரண்யேஸ்வரர் கோயில் அமைந்துள்ளது. இக்கோயில் நவகிரக கோயில்களில் சனீஸ்வர பகவான் ஸ்தலமாக விளங்குகிறது. இந்நிலையில் தொடர் விடுமுறை மற்றும் ஐப்பசி மாத 3வது சனிக்கிழமையையொட்டி கோயிலில் சிறப்பு அபிஷேகம் நடைபெற்றது.
இதனை காண நலன் தீர்த்த குளத்தில் நீராடிய பக்தர்கள் நீண்ட வரிசையில் காத்திருந்தனர். தொடர்ந்து வெள்ளி கவசம் அணிந்து, காக்கை வாகனத்தில் எழுந்தருளிய சனீஸ்வரன் பகவானை பக்தர்கள் மனமுருகி வழிபட்டனர்.
