பட்டாசு வெடிப்பது தொடர்பான தகராறில் ஒருவருக்கு கத்திக்குத்து – இருவர் கைது!

கள்ளக்குறிச்சி மாவட்டம், சங்கராபுரம் அருகே பட்டாசு வெடிப்பது தொடர்பாக பக்கத்து வீட்டுக்காரரை கத்தியால் குத்திய 2 பேரை போலீசார் கைது செய்தனர்.

வடசெட்டியந்தல் கிராமத்தைச் சேர்ந்த முத்துபாண்டியன் தீபாவளியன்று பட்டாசு வெடித்துள்ளார். இதற்கு பக்கத்து வீட்டை சேர்ந்த அழகேசன் என்பவர் எதிர்ப்பு தெரிவித்ததாக கூறப்படுகிறது.

இது தொடர்பாக இரு தரப்பினருக்கும் இடையே வாக்குவாதம் ஏற்பட்ட நிலையில் அழகேசன், முத்துப்பாண்டியை கத்தியால் குத்தியுள்ளார்.

இதையடுத்து வழக்குப்பதிவு செய்து அழகேசன் மற்றும் அவரது மகனை கைது செய்தனர். இருவருக்கும் இடையே ஏற்கனவே முன்பகை இருந்து வந்துள்ளது.