பஹைரன் சிறையில் உள்ள தமிழக மீனவர்களை மீட்க கோரிக்கை வைத்த உடனே நடவடிக்கை எடுத்த பிரதமர் மோடி மற்றும் மத்திய வெளியுறவுத்துறை அமைச்சர் ஜெய்சங்கருக்கு தமிழக பாஜக ஒருங்கிணைப்புக்குழு அமைப்பாளர் ஹெச்.ராஜா நன்றி தெரிவித்துள்ளார்.
இது குறித்து தனது எக்ஸ் தளப்பக்கத்தில் பதிவிட்டுள்ள அவர், பஹைரன் அரசால் கைது செய்யப்படிருந்த தமிழக மீனவர்கள் 28 பேரை மீட்டுக் கொண்டு வர மத்திய அரசு உதவ வேண்டும் என வெளியுறவுத்துறை அமைச்சர் ஜெய்சங்கருக்கு கடந்த 18-ம் தேதி கடிதம் எழுதி இருந்ததாக தெரிவித்துள்ளார்.
தமிழக மீனவர்களுக்கு ஆறு மாத சிறை தண்டனை வழங்கப்பட்டிருந்த நிலையில், மத்திய வெளியுறவுத்துறை அமைச்சகம் மேற்கொண்ட நல்லெண்ண முயற்சிகளால் 3 மாத காலத்தில் விடுதலை செய்வதாக அந்நாட்டு அரசு உறுதி அளித்திருக்கிறது என்று கூறியுள்ளார்.
மீனவர்கள் அனைவரும் ஆரோக்கியமாக இருப்பதை தூதரக அதிகாரிகள் உறுதி செய்துள்ளதாக குறிப்பிட்டுள்ள ஹெச்.ராஜா, தமிழக மீனவர்களை மீட்க கோரிக்கை வைத்த உடன் நடவடிக்கை எடுத்த பிரதமர் மோடி மற்றும் மத்திய வெளியுறவுத்துறை அமைச்சர் ஜெய்சங்கருக்கு நன்றி தெரிவித்துள்ளார்.
