நாகை மாவட்ட பாஜக தலைவர் S.கார்த்திகேயன் மறைவுக்கு மத்திய அமைச்சர் எல்.முருகன் இரங்கல் தெரிவித்துள்ளார்.
அவர் விடுத்துள்ள இரங்கல் செய்தியில், நமது பாரதிய ஜனதா கட்சியின் தமிழக பாஜக நாகை மாவட்டத் தலைவர் S.கார்த்திகேயன் உடல்நலக் குறைவால் இறைவனடி சேர்ந்தார் என்ற செய்தி மிகுந்த மன வருத்தமளிக்கிறது.
நாகப்பட்டினம் பகுதிகளில் தனது கல்வி சார்ந்த சமூக சேவைகளால் பெரிதும் அறியப்பட்டவரான சகோதரர் கார்த்திகேயன் , நமது கட்சியின் பல்வேறு முக்கியப் பொறுப்புகளை வகித்தும், நாகை மாவட்டத் தலைவராகவும் கட்சியின் வளர்ச்சிக்கு பெரும் பங்களித்துள்ளார்.
மயிலாடுதுறை பாராளுமன்றம் மற்றும் சட்டமன்றத் தொகுதிக்கான வேட்பாளராகவும் களம் கண்டவர். இன்று அவரது மறைவு ஏற்படுத்தியுள்ள இந்த துயரமான சமயத்தில், அவரது குடும்பத்தார், நண்பர்கள் மற்றும் உறவினர்களுக்கு ஆழ்ந்த இரங்கல்களை தெரிவித்துக் கொள்வதோடு, சகோதரர் ஆன்மா சாந்தியடைய எல்லாம் வல்ல இறைவனிடம் வேண்டிக் கொள்கிறேன் என எல்.முருகன் தெரிவித்துள்ளார்.
