தஞ்சாவூர் அரண்மனைக்கு சென்ற ஆளுநர் ஆர்.என்.ரவியை சரபோஜி மன்னரின் வாரிசுகள் பூரண கும்ப மரியாதையுடன் வரவேற்றனர்.
பெரிய கோயிலில் நடைபெறும் பிரதோஷ நிகழ்வில் பங்கேற்க ஆளுநர் ஆர்.என்.ரவி தஞ்சாவூர் சென்றுள்ளார். திருச்சி விமான நிலையத்தில் இருந்து தஞ்சை அரண்மனை சென்ற அவரை சரபோஜி மன்னரின் வாரிசுகள் வரவேற்றனர்.
தொடர்ந்து அவருக்கு பூரண கும்ப மரியாதை அளிக்கப்பட்ட நிலையில், மன்னர் வீட்டிற்குள் உள்ள சந்திர மௌலீஸ்வரர் கோயிலில் ஆளுநர் ஆர்.என்.ரவி சுவாமி தரிசனம் செய்தார்.
இதையடுத்து தஞ்சாவூர் மாவட்டம் பற்றிய ஆவணப்படத்தை பார்வையிட்ட ஆர்.என்.ரவி, சரஸ்வதி மஹாலில் உள்ள ஓலைச்சுவடிகள் மற்றும் நூலகத்தை பார்வையிட்டார்.
