தென்காசி மாவட்டம் ஊத்துமலை சார் பதிவாளர் அலுவலகத்தில், சுய நினைவின்றி காணப்படும் முதியவரிடம், இடைத்தரகர்களின் ஆதிக்கத்தோடு முறைகேடாக உயில் ஆவணம் பதிவு செய்யும் சார் பதிவாளரின் சிசிடிவி வெளியாகி உள்ளது.
தென்காசி மாவட்டம் ஆலங்குளம் அருகே உள்ள ஊத்துமலை கிராமத்தில் இயங்கி வரும் சார் பதிவாளர் அலுவலகத்திற்கு, உடல்நலம் குன்றி சுயநினைவின்றி காணப்படும் முதியவரை, உயில் பத்திரப்பதிவிற்காக அவரது உறவினர்கள் வீல் சேரில் அழைத்து வந்தனர்.
தலை தொங்கிய நிலையில் இருந்த முதியவரிடம் கைரேகை பதிவு பெற்றதுடன், அவரை புகைப்படம் எடுக்க, உறவினர் ஒருவர் அவரது தலையை தாங்கிப் பிடித்தனர். இதுதொடர்பான சிசிடிவி காட்சி வெளியாகி அதிர்ச்சியை ஏற்படுத்தியுள்ள நிலையில், பத்திரப்பதிவு அலுவலகத்தில் இடைத்தரர்கள் ஆதிக்கத்தை கட்டுப்படுத்த வேண்டும் என பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.
