சத்தீஸ்கர் மாநிலத்தில் நக்சல்கள் நடத்திய IED வெடிகுண்டு தாக்குதலில் பாதுகாப்பு படையைச் சேர்ந்த 9 CRPF வீரர்கள் வீர மரணம் அடைந்தனர்.
சத்தீஸ்கர் மாநிலத்தில் உள்ள பிஜாபூர் பகுதியில் 9 CRPF வீரர்களுடன் சென்ற ராணுவ வாகனம் மீது நக்சல்கள் அதிசக்தி வாய்ந்த IED குண்டுகளை வீசி தாக்குதல் நடத்தினர்.
இந்த தாக்குதலில் ராணுவ வாகனத்தில் பயணித்த 9 வீரர்களும் வீர மரணம் அடைந்தனர். நாராயண்பூர், தாண்டேவாடா, பிஜாபூர் பகுதியில் ராணுவ கூட்டு நடவடிக்கையில் ஈடுபட்டு திரும்பும் வழியில் இந்த கோர சம்பவம் நடைபெற்றுள்ளதாக தகவல் வெளியாகியுள்ளது.
கடந்த 2 நாட்களுக்கு முன் பஸ்தார் பகுதியில் நக்சல்கள் மற்றும் பாதுகாப்பு படையினருக்கு இடையே நடைபெற்ற துப்பாக்கிச் சண்டையில் 4 நக்சல்கள் கொல்லப்பட்டனர். இதற்கு எதிர்வினையாற்றும் வகையில் இந்த சம்பவம் நடந்திருக்கலாம் என காவல்துறை சார்பில் தகவல் தெரிவிக்கப்பட்டுள்ளது.
