அமெரிக்காவின் வாஷிங்டனில் விமானம் – ஹெலிகாப்டர் நேருக்கு நேர் மோதிய விபத்தில், விமானத்தில் பயணித்த அனைவரும் உயிரிழந்ததாக அறிவிக்கப்பட்டுள்ளது.
அமெரிக்காவில் கான்சாஸிலிருந்து 67 பயணிகளுடன் ஏர்லைன்ஸ் விமானம் ஒன்று வாஷிங்டன் விமான நிலையம் நோக்கி சென்று கொண்டிருந்தது. நதியின் மேல் தாழ்வாக பறந்து கொண்டிருந்த விமானம் மீது எதிரே வந்த ராணுவ ஹெலிகாப்டர் மீது மோதியது. இதனையடுத்து அமெரிக்க பாதுகாப்பு படை மற்றும் தீயணைப்பு படை வீரர்கள் தேடுதல் பணியில் ஈடுபட்டுள்ளனர்
இந்த விபத்தில் விமானத்தில் பயணித்த அனைவரும் உயிரிழந்து விட்டதாக அமெரிக்க அதிபர் டொனால்டு ட்ரம்ப் உறுதிப்படுத்தி உள்ளார். இதுவரை 25க்கும் மேற்பட்டோரின் உடல்கள் கண்டுபிடிக்கப்பட்டுள்ள நிலையில், தொடர்ந்து மீட்புப் பணி நடைபெற்று வருகிறது.
