அமெரிக்கா லாபம் சம்பாதிக்க உலக நாடுகளுக்கிடையே போர்களைத் தூண்டி வருவதாகப் பாகிஸ்தான் பாதுகாப்புத்துறை அமைச்சர் கவாஜா ஆசிப் குற்றம் சாட்டியுள்ளார்.
இது தொடர்பான வீடியோ இணையத்தில் வைரலாகி வரும் நிலையில், அதில் கடந்த 100 ஆண்டுகளில் அமெரிக்கர்கள் 260 போர்களை நடத்தியுள்ளனர் எனவும், அதே நேரத்தில் சீனா மூன்றில் மட்டுமே ஈடுபட்டுள்ளது என்றும் கவாஜா ஆசிப் பேசும் காட்சிகள் இடம்பெற்றுள்ளன.
மேலும், சிரியா, எகிப்து, ஆப்கானிஸ்தான், லிபியா போன்ற நாடுகளைக் காணொலியில் சுட்டிக்காட்டியுள்ள ஆசிஃப், அந்த நாடுகள் ஒரு காலத்தில் செழிப்பாக இருந்ததாகவும், நீண்டகால மோதல்களால் பேரழிவிற்கு உள்ளாகியிருப்பதாகவும் அவர் குறிப்பிட்டார்.
