வால்பாறை தொகுதி அதிமுக சட்டமன்ற உறுப்பினர் கந்தசாமி மறைவுக்கு பாஜக தேசிய பொதுக்குழு உறுப்பினர் அண்ணாமலை, தமிழக பாஜக மாநில தலைவர் நயினார் நாகேந்திரன் இரங்கல் தெரிவித்துள்ளார்.
அண்ணாமலை விடுத்துள்ள இரங்கல் செய்தியில், உடல் நலக்குறைவால் மருத்துவமனையில் சிகிச்சை பெற்று வந்த வால்பாறை தொகுதி அதிமுக சட்டமன்ற உறுப்பினர் அமுல் கந்தசாமி அவர்கள் காலமானார் என்ற செய்தி மிகுந்த வருத்தமளிப்பதாக தெரிவித்துள்ளார்.
அவரது குடும்பத்தினருக்கு ஆழ்ந்த இரங்கல்களைத் தெரிவித்துக் கொள்கிறேன். அவரது ஆன்மா சாந்தியடைய இறைவனை வேண்டிக் கொள்கிறேன் என்றும் அவர் கூறியுள்ளார்.
நயினார் நாகேந்திரன் விடுத்துள்ள இரங்கல் செய்தியில் வால்பாறை அஇஅதிமுக சட்டமன்ற உறுப்பினரும், எம்.ஜி.ஆர் இளைஞர் அணி மாநிலத் துணைச் செயலாளராருமான அமுல் கந்தசாமி உடல் நலக்குறைவால் மறைந்த செய்தியறிந்து வருத்தமுற்றதாக தெரிவித்துள்ளார்.
அவரது மறைவால் வாடும் குடும்பத்தினருக்கும் சுற்றத்தாருக்கும் ஆழ்ந்த இரங்கல்களைத் தெரிவித்துக் கொள்கிறேன். அன்னாரது ஆத்மா இறைவனின் திருவடி நிழலில் இளைப்பாற பிரார்த்தித்துக் கொள்கிறேன் என்றும் அவர் கூறியுள்ளார்.
