ஆசிய கோப்பை டி20 தொடரில் ஆப்கானிஸ்தானுக்கு எதிரான லீக் ஆட்டத்தில் வங்கதேசம் த்ரில் வெற்றிப் பெற்றது.
அபுதாபியில் நடந்த போட்டியில் டாஸ் வென்று முதலில் விளையாடிய வங்கதேச அணி, 20 ஓவர்கள் முடிவில் 154 ரன்கள் எடுத்தது.
வங்கதேசம் தரப்பில் அதிகபட்சமாகத் தன்ஷித் ஹசன் 52 ரன்கள் எடுத்தார். ஆப்கானிஸ்தான் தரப்பில் ரஷித் கான், நூர் முகமது தலா 2 விக்கெட்டுகளை கைப்பற்றி வங்கதேசத்தின் ரன்குவிப்பை கட்டுப்படுத்தினர்.
155 ரன்கள் எடுத்தால் வெற்றி என்ற இலக்குடன் விளையாடிய ஆப்கானிஸ்தான் சீரான இடைவெளியில் விக்கெட்டுகளை இழந்தது.
20 ஓவர்களில் அனைத்து விக்கெட்டுகளையும் இழந்து 146 ரன்கள் மட்டுமே எடுத்தது. இதன் மூலம், வங்கதேசம் 8 ரன்கள் வித்தியாசத்தில் வெற்றிப் பெற்றது.
