ஆசிய விளையாட்டு டி20 கிரிக்கெட் இறுதிப்போட்டியில் பாகிஸ்தானை வீழ்த்தி இந்திய அணி தங்கம் வென்று அசத்தியுள்ளது.
ஆசிய விளையாட்டு டி20 கிரிக்கெட் இறுதிப்போட்டி ஜப்பானின் நிஷின் நகரில் உள்ள ஸ்டேடியத்தில் நடைபெற்றது. இதில், ஸ்ரேயாஸ் அய்யர் தலைமையிலான இந்திய அணி, பாகிஸ்தானை எதிர்கொண்டது.
டாஸ் வென்ற இந்திய அணி முதலில் பேட்டிங் செய்தது. இதில், இந்திய வீரர் அபிஷேக் ஷர்மா அரை சதம் அடித்த நிலையில், 61 ரன்னுக்கு ஆட்டமிழந்தார். சஞ்சு சாம்சன், ஸ்ரேயாஸ் அய்யர், இஷான் கிஷன் ஆகியோர் குறைந்த ரன்னில் வெளியேறினர். எனினும், திலக் வர்மா அதிரடியாக விளையாடி அரை சதம் அடித்தார்.
இதன்மூலம் இந்திய அணி 20 ஓவர்களில் 6 விக்கெட்டுக்கு 211 ரன்கள் குவித்தது. வெற்றிபெற 212 ரன்கள் என்ற இலக்குடன் களமிறங்கிய பாகிஸ்தான் அணி 20 ஓவர்கள் முடிவில் 6 விக்கெட் இழப்பிற்கு 192 ரன்கள் எடுத்து தோல்வியைத் தழுவியது. இதனால் இந்திய அணி 19 ரன்கள் வித்தியாசத்தில் வெற்றி பெற்று தங்கத்தை கைப்பற்றியது.
