நமது பெருமைகளை உணர்ந்து, இந்தியா மட்டுமின்றி பிற கண்டங்களுக்கும் அவற்றை பரப்ப வேண்டும் என, காஞ்சி சங்கராச்சாரியார் விஜயேந்திர சரஸ்வதி சுவாமிகள் அருளாசி வழங்கினார்.
காஞ்சிபுரத்தில் விஸ்வ ஹிந்து பரிஷத் சார்பில், அசோக் சிங்கால் நூற்றாண்டு தொடக்க விழா நடைபெற்றது. இதில் பங்கேற்ற காஞ்சி சங்கராச்சாரியார் விஜயேந்திர சரஸ்வதி சுவாமிகள், நமது பெருமைகளை நாம் உணர்ந்து, இந்தியா மட்டுமின்றி பிற கண்டங்களுக்கும் அவற்றை பரப்ப வேண்டும் என அருளாசி வழங்கினார்.
மேலும், தமிழகத்தில் கிருபானந்த வாரியார் உள்ளிட்ட பலருடன் அசோக் சிங்கால் தொடர்பில் இருந்ததாகவும், ராம ஜென்ம பூமிக்கான செங்கல்லை கொண்டு வந்து ஆசி பெற்றதாகவும் தெரிவித்தார்.
தமிழகத்திற்கும் இந்து சமயத்திற்கும் அவர் பல்வேறு சேவைகளை செய்தவர் என்றும் காஞ்சி சங்கராச்சாரியார் புகழாரம் சூட்டினார்.
