கும்பகோணம் அருகே 2026 சட்டமன்ற தேர்தல் அறிக்கை வாகனத்தை தஞ்சை மாவட்ட தலைவர் தங்க கென்னடி கொடியசைத்து தொடங்கி வைத்தார்.
மக்களுக்கான திட்டத்தை மக்களிடமே கேட்க வேண்டும் என்ற அடிப்படையில் தேர்தல் அறிக்கையை தயார் செய்ய தமிழக பாஜக முடிவு செய்துள்ளது.
அதன்படி, தமிழகம் முழுவதும் பாஜக நிர்வாகிகள் மக்களிடம் கருத்துகளை கேட்டு கோரிக்கைகளை பெற்று வருகின்றனர்.
அந்த வகையில், கும்பகோணம் பேருந்து நிலையத்திலிருந்து 2026 சட்டமன்ற தேர்தல் அறிக்கை வாகனத்தை மாவட்ட தலைவர் தங்க கென்னடி கொடி அசைத்து துவக்கி வைத்தார்.
பேருந்து நிலையத்துக்கு வரும் பொதுமக்கள் ஆர்வத்துடன் தங்கள் பகுதியில் எதிர்பார்க்கும் மாற்றங்களை விண்ணப்பத்தில் எழுதி பெட்டியில் போட்டு சென்றனர்.
இந்த நிகழ்வில் ஏராளமான பாஜக நிர்வாகிகள் மற்றும் தொண்டர்கள் பங்கேற்றனர்.
