மறைந்த முன்னாள் முதல்வர் ஜெயலலிதாவின் பிறந்தநாளை முன்னிட்டு, சேலத்தில் அதிமுகவினர் கேக் வெட்டி கொண்டாட்டத்தில் ஈடுபட்டனர்.
சேலம் மாநகர் மாவட்ட அதிமுக சார்பில், சேலம் அண்ணா பூங்காவில் உள்ள மணிமண்டபத்தில் மறைந்த முன்னாள் முதல்வர் ஜெயலலிதாவின் சிலைக்கு மாலை அணிவித்து மரியாதை செலுத்தப்பட்டது.
முன்னதாக, அதிமுக நிர்வாகிகள் திரளாக பங்கேற்று, நான்கு ரோடு பகுதியில் இருந்து பேரணியாக வந்தனர். ஜெயலலிதாவின் பிறந்தநாளையொட்டி 78 கிலோ எடை கொண்ட கேக் வெட்டி கொண்டாடியதுடன், பொது மக்களுக்கு அன்னதானம் வழங்கினர்.
வரும் சட்டமன்றத் தேர்தலில், அனைத்து தொகுதிகளிலும் அதிமுக மற்றும் கூட்டணிக் கட்சி வேட்பாளர்களை வெற்றிபெறச் செய்து, கட்சியின் பொதுச்செயலாளர் எடப்பாடி பழனிசாமியை முதலமைச்சராக்க அதிமுகவினர் உறுதிமொழி ஏற்றனர்.
