இணையத்தின் புதிய செல்லப் பிள்ளையாக உருவெடுத்துள்ள ஜப்பானிய குரங்கு குட்டி ‘பஞ்ச்’-ஐக் கொண்டாடும் வகையில், கூகுள் நிறுவனம் ஒரு சுவாரசியமான இன்டராக்டிவ் அனிமேஷனை அறிமுகப்படுத்தியுள்ளது.
ஜப்பானின் இச்சிகாவா நகர உயிரியல் பூங்காவில் வசிக்கும் பஞ்ச் குன் எனும் அந்தக் குரங்கு, கடந்த ஆண்டு ஜூலையில் பிறந்த சில நாட்களிலேயே அதன் தாயால் கைவிடப்பட்டது.
தாய் குரங்கின் அன்பும், அரவணைப்பும் கிடைக்காததால், பூங்கா ஊழியா்களே இந்தக் குரங்கை 24 மணி நேரமும் கவனித்து வருகின்றனர்.
மற்ற குரங்குகளால் தொடா்ந்து விரட்டப்படும் பஞ்ச் குரங்கு, ஓடிப்போய் தனது ஒரே ஆறுதலான ஆரஞ்சு நிற குரங்கு பொம்மையைக் கட்டியணைத்துக் கொள்ளும் வீடியோ அண்மையில் இணையத்தில் வைரலானது.
இந்நிலையில், நெட்டிசன்களின் ஃபேவரைட்டாக இருந்துவரும் ‘பஞ்ச்’ குரங்கு குட்டியை கொண்டாடும் வகையில் கூகுள் நிறுவனம் Animated Icon-களை வெளியிட்டு வாடிக்கையாளர்களுக்கு சர்ப்ரைஸ் கொடுத்துள்ளது.
