அமெரிக்காவில் வானில் பறந்து கொண்டிருந்த வெப்பக் காற்று பலூன் ஒன்று, ராட்சத தகவல் தொடர்பு கோபுரத்தின் மீது மோதி சிக்கிக் கொண்ட நிலையில், அதிலிருந்த 2 பேர் காயமின்றி பாதுகாப்பாக மீட்கப்பட்டனர்.
டெக்சாஸ் மாகாணத்தின் வடக்கு கிரெக் கவுண்டியில் உள்ள மாநில நெடுஞ்சாலை 300 மற்றும் FM 1844 சந்திப்பு பகுதியில் இந்த விபத்து நேர்ந்துள்ளது.
சுமார் 920 அடி உயரமுள்ள செல்போன் கோபுரம் ஒன்றின் மீது, கட்டுப்பாட்டை இழந்த பலூன் எதிர்பாராத விதமாக மோதியது.
தகவல் அறிந்தவுடன் லாங்வியூ தீயணைப்புத் துறை மற்றும் மீட்புக்குழு சம்பவ இடத்திற்கு விரைந்தது.பலூனின் கூடை கோபுரத்தின் உயரத்தில் சிக்கியிருந்ததால் மீட்புப் பணியில் சவால்கள் நிலவின.
இருப்பினும், தீயணைப்பு வீரர்கள் துரிதமாகச் செயல்பட்டு இரண்டு பேரையும் பாதுகாப்பாகக் கீழே இறக்கினர்.
