அமெரிக்காவின் லாஸ் ஏஞ்சல்ஸ் மேயர் தேர்தல் போட்டியில் தமிழகத்தை பூர்விகமாக கொண்ட நித்யா ராமனுக்கு வெற்றி வாய்ப்பு அதிகமாக உள்ளதாக தகவல் வெளியாகியுள்ளது.
அமெரிக்காவின் லாஸ் ஏஞ்சல்ஸ் நகர மேயர் தேர்தல் ஜுன் 2ஆம் தேதி நடைபெற உள்ளது. இந்த தேர்தலில், ஜனநாயக கட்சி உறுப்பினரும், நகரசபை உறுப்பினருமான தமிழகத்தை பூர்விகமாக கொண்ட நித்யா ராமன் போட்டியிடுகிறார். மேயர் தேர்தலில் 60 சதவீதத்துடன் நித்யா ராமன் முன்னிலை வகிப்பதாக கணிப்புகள் தெரிவிக்கின்றன.
2020ல் லாஸ் ஏஞ்சல்ஸ் நகரசபை உறுப்பினர் தேர்தலில் போட்டியிட்டு வெற்றி பெற்ற முதல் தெற்காசிய பெண் மற்றும் முதல் ஆசிய அமெரிக்க பெண் என்ற பெருமையை பெற்ற நித்யா ராமன், கடந்த 2024 தேர்தலில் வெற்றி பெற்று நகரசபைக்கு தேர்ந்தெடுக்கப்பட்டார்.
சமீபத்தில் நியூயார்க் மேயராக தேர்ந்தெடுக்கப்பட்ட இந்திய வம்சாவளி ஜோஹ்ரான் மம்தானியுடன் நித்யா ராமனின் அரசியல் கொள்கைகள் ஒத்துப்போவதால், இவரை அடுத்த மம்தானி என்று கூறுகின்றனர்.
