அசாமில் பெரும்பான்மை பலத்துடன் தேசிய ஜனநாயகக் கூட்டணி மூன்றாவது முறையாக அரியணை ஏறுகிறது
அசாமில் மொத்தமுள்ள 126 தொகுதிகளுக்கு ஏப்ரல் 9ம் தேதி நடந்த தேர்தலில் 85 சதவிகித வாக்குகள் பதிவானது. பலத்த எதிர்பார்ப்புக்கு மத்தியில் தேர்தலில் பதிவான வாக்குகள் எண்ணப்பட்டன. இதில் தொடக்கம் முதலே பாஜக தலைமையிலான தேசிய ஜனநாயகக் கூட்டணி வேட்பாளர்கள் தொடர்ந்து முன்னிலை வகித்து வந்தனர்.
2021ம் ஆண்டு தேர்தலில் பாஜக கூட்டணி 73 தொகுதிகளை கைப்பற்றியிருந்த நிலையில், தற்போதைய தேர்தலில் கூடுதலாக 26 இடங்கள் பெற்று 99 இடங்களில் முன்னிலை பெற்றது. காங்கிரஸ் கூட்டணி கடந்த தேர்தலை விட 8 இடங்களில் சறுக்கி, 23 தொகுதிகளிலும், AIUDF கூட்டணி 14 தொகுதிகளை இழந்து 2 இடங்களிலும் முன்னிலை பெற்றுள்ளது.
