தமிழக சட்டமன்ற தேர்தலில் விஜய்யின் தவெக வெற்றி பெற்று ஆட்சியமைக்கவுள்ள நிலையில், அக்கட்சியின் நட்சத்திர வேட்பாளர்கள் வெற்றி பெற்ற தொகுதிகள் குறித்து தற்போது காணலாம்.
தமிழக சட்டமன்ற தேர்தலில் தவெக தலைவர் விஜய், பெரம்பூர், திருச்சி கிழக்கு என 2 தொகுதிகளில் போட்டியிட்டார். இதில், பெரம்பூர் தொகுதியில் திமுக வேட்பாளர் ஆர்.டி.சேகரைவிட 20 ஆயிரத்திற்கும் அதிகமாக வாக்கு வித்தியாசத்தில் விஜய் வெற்றி பெற்றார்.
இதேபோல் திருச்சி கிழக்கு தொகுதியிலும் திமுக வேட்பாளர் இனிகோ இருதயராஜை 13 ஆயிரத்திற்கும் அதிகமான வாக்குகள் பெற்று விஜய் வெற்றி பெற்றார். கொளத்தூர் தொகுதி தவெக வேட்பாளரான வி.எஸ்.பாபு, திமுக தலைவர் ஸ்டாலினை எட்டாயிரத்திற்கும் அதிகமான வாக்கு வித்தியாசத்தில் வீழ்த்தினார்.
சேப்பாக்கம்-திருவல்லிக்கேணி தொகுதி தவெக வேட்பாளரான செல்வம், திமுக வேட்பாளரான உதயநிதி ஸ்டாலினை குறைந்த வாக்கு வித்தியாசத்தில் தோற்கடித்தார்.
தியாகராய நகர் தொகுதியில் போட்டியிட்ட என்.ஆனந்த், 10 ஆயிரத்திற்கும் அதிகமான வாக்கு வித்தியாசத்தில் திமுக வேட்பாளர் ராஜா அன்பழகனை தோற்கடித்தார்.
வில்லிவாக்கம் தொகுதி தவெக நட்சத்திர வேட்பாளரான ஆதவ் அர்ஜூனா, திமுக வேட்பாளர் கார்த்திக் மோகனைவிட 10 ஆயிரத்திற்கும் அதிகமான வாக்கு வித்தியாசத்தில் வெற்றி பெற்றார். எழும்பூர் தனி தொகுதியில் தவெக சார்பில் போட்டியிட்ட ராஜ்மோகன், திமுக வேட்பாளர் தமிழன் பிரசன்னாவை 10 ஆயிரத்திற்கும் அதிகமான வாக்குகள் வித்தியாசத்தில் தோற்கடித்தார்.
ஆயிரம் விளக்கு தொகுதி தவெக வேட்பாளரான ஜேசிடி பிரபாகர், குறைந்த வாக்கு வித்தியாசத்தில் திமுக வேட்பாளர் எழிலன் நாகநாதனை தோற்கடித்தார். அதிமுகவிலிருந்து விலகி தவெகவில் இணைந்து கோபிசெட்டிபாளையம் தொகுதியில் போட்டியிட்ட செங்கோட்டையன், திமுக வேட்பாளர் நல்லசிவத்தைவிட 13 ஆயிரத்திற்கும் அதிகமான வாக்குகள் பெற்று வெற்றி பெற்றார்.
திருச்செங்கோடு தொகுதியில் போட்டியிட்ட தவெக வேட்பாளர் அருண்ராஜ், அதிமுக வேட்பாளர் சந்திரசேகரைவிட நான்காயிரத்திற்கும் அதிகமாக வாக்குகள் பெற்று வெற்றி பெற்றார்.
திருப்பரங்குன்றம் தொகுதி தவெக வேட்பாளர் நிர்மல் குமார், திமுக வேட்பாளர் கிருத்திகா தங்கபாண்டியைவிட 15 ஆயிரத்திற்கும் அதிகமான வாக்குகள் பெற்று வெற்றி பெற்றார்.
தூத்துக்குடி தொகுதியில் தவெக சார்பில் போட்டியிட்ட நடிகர் ஸ்ரீநாத், திமுகவின் கீதா ஜீவனைவிட 24 ஆயிரத்திற்கும் அதிகமான வாக்குகள் பெற்று வெற்றி பெற்றார்.
திருப்பூர் வடக்கு தொகுதி தவெக வேட்பாளர் சத்யபாமா, அதிமுக வேட்பாளர் ஆனந்தனைவிட 30 ஆயிரத்திற்கும் அதிகமான வாக்குகள் பெற்று வெற்றி பெற்றார்.
