குன்னூரில் உள்ள வெலிங்டன் ராணுவப் பயிற்சி மையத்தில் ஓணம் பண்டிகை கொண்டாட்டம் களைகட்டியது.
நீலகிரி மாவட்டம் குன்னூரில் செயல்பட்டு வரும் வெலிங்டன் ராணுவப் பயிற்சி மையத்தில் ஓணம் பண்டிகை வெகு விமர்சையாக கொண்டாடப்பட்டது. பெண்கள் அத்தப்பூ கோலமிட்டு மாவேலி மன்னரை வரவேற்றனர். தொடர்ந்து, செண்டை மேளம் முழங்க ராணுவப் பயிற்சி கல்லூரி கமாண்டன்ட் லெப்டினன்ட் ஜெனரல் எம்.எம். ஹரே உள்ளிட்டோருக்கு உற்சாக வரவேற்பு அளிக்கப்பட்டது.
சிங்காரி மேளம், புலி ஆட்டம் உள்ளிட்ட கேரள பாரம்பரிய கலை நிகழ்ச்சிகள் நடைபெற்றன. கேரளாவின் பாரம்பரிய படகு போட்டி தத்ரூபமாக செய்து காட்டப்பட்டது அனைவரது கவனத்தையும் ஈர்த்தது. விழாவின் நிறைவாக அனைவருக்கும் ஓணம் சத்யா விருந்து வழங்கப்பட்டது.
